Signuri mio, ji ca non prego mai
mo ‘nnanti a tìa mi voglio ‘nginucchià
ji non ti cerco ‘i mi livà d’i guai,
ma ‘na grazia spiciale m’aia fa.
I cose ca ti stungo a dumannà
faranno assai filici tanta gente.
Saccio ca tutto quanto tu puoi fa,
fammi ‘sta grazia e sungo assai cuntento.
L’uva nighira o janca pozza crisci
‘nta tutto ‘u munno quanto è gruosso e granno;
pure ‘nti petri l’averisi fa atticchisce
e maturà parecchie vote a l’anno.
Fa pure, o mio Signore, ch’ogni vigna
ci pozza arraricà cuma ‘a gramigna.
Sia gruosso cum’a n’uovo ogni cuoccio
e ‘nu grappolo stracarricà ‘nu ciuccio.
Manna ‘ntu munno nu cumandamento:
sulu cu l’uva ‘u vino s’adda fa!
E chiù sincera fussa tutt’ a gente
ch’ogni ‘mbriaco dice a virità.
Si po’ di vino fussi chino u mare
subito mi facera marinaro.
E si si rivutera a varca mia,
murera ‘mbriaco ringrazienno a Tìa.
Pirciò quanno ch’arriva ssu mumento
ci vulera lassa na numminata.
Di mia putèra dice tutta a gente:
jinto a ‘nu mare ‘i vino s’è annicato.
Non purtate né juri né lamienti,
ma curuno i buttiglie e di bicchieri
‘ntricciati cu viticci e cu sarmienti,
e buttigliuni a mo’ di cannilieri.
Non m’ana cruvicà ‘ntu campusanto,
ma ‘mienzo a dui filari d’adduraca.
Ci voglio gente allegra e niente chianto,
ca ‘i lacrime su perse. Vi ci abbaca!
Pi cascia non pigliate nu tavuto,,
ma m’ata mitti ‘nta ‘na vutta ‘i vino.
Non vi scurdate di ci lassa ‘u ‘muto
e ‘nu bellu variliro pi cuscino.
Nu previto ca brillo d’a matina
adda vinì cu tutti quanti ‘amici:
niente acqua santa, ma ‘nta ‘na cantina
cu l’acqua vite m’adda binidice.
Po’ chilli ca mi vono sta vicino
né cannile né lampe ana truvà,
ma ‘ognuno ‘i loro ‘na cannata ‘i vino,
e sempe ‘i mia si vono ricurdà.
Grazie Signu’, mo ji t’aggiu prigato
e sungo certo ca mi fai cuntento
e pure si spisso m’aggiu ‘mbriacato
mai aggiu perso ‘u core e ‘u sintimènto.
Da “Scalea per voi”, di A. Cotrone, Pegaso edizioni
Foto RETE