PARMARIJE – Nu vicchio e la Morte

C’era ’na vota ‘nu vicchio. Vivija da sulo. A mugghjera n’era morta e i rui figghji j’erano ‘nta Merica. Quannu u timpo j’era bruttu, u roppumangiato si ni java ‘nta cantina a si fa ‘na partita alli carte e bivi nu bicchiro, quannu j’era bello java fora a cultivà l’urto.

Na matina si pigghjair’u tascapani, nu stuzzo ri pani, nu pocu ri sauzizza, ‘na buttigghjedda ri vino e si ni jiva fora. A sira, prima ri si ricogghji, priparaja nu mazzo ri linna. Pi si ni vinì a casa, si misir’u tascapani a tracolla, appicaja u mazzo ri linna a nu palo, su misa supr’a muscka e, chiano chiano, si misir’a caminà. Java pisanto, i forze nun erano chiù quiddi ri ‘na vota. Ogni tanto ci arrummulava ancuno sacramento pa stanchizza.

Arrivato allu Crivo r’i Ciavule s’abbintaja.

“ Ah! Morte, morte, quannu venisi? Nu birisi che j’è  l’ura?”

Stiva nu picchi e pu si caricair’u palo chi linna e ripigghjair’a caminà.

Arrivato a Castagna ru Muntiso si firmja ‘nata vota. Da luntano vidda guno cu nu bellu vistitu nivuru, na cammisa janca, a cravatta, cappiddo e bastunu. Caminava a gamma liggera, come gunu chi tena fretta. Quannu fuja bicino:

“M’hai chiamato? Eccomi. Sungo qua tutto pi tija. Chi boi?”

Allu vicchjo ni vinna lu vattimento ri cori. Gnuttija mmacantu. Pu si giraja, si ficia tisu, c’a vuci nu pocu tirata:

“T’agghju chjamato si mi raj ‘na mano a mi caricà sti linna supr’a muscka”.

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.

Articoli correlati

Articoli più letti

Archivio articoli
Categorie
Close