Parmarija: NU POVURU CRISTIANO

.

‘Na vota c’era nu signuru ch’era ricco, ma tanto ricco chi nun u sapija manco jiddo a robba chi tinia. Avia ‘na casa granna, ri lusso, cu ogni bene ri Dio. E terre chi ci ti pidrdijisi. Minzu paiso,  pi si guaragnà nu stuzzo ri pane, javiri a faticà pi jiddo.

‘Na vota jiviri a sunà allu cangiddo ru palazzo ri stu signuru ‘nu povuru cristiano. Subito ‘na murra ri cani currijini tutti arraggiati.  U signuru i ficia calmà cu ‘nu fiscko.

“Chi boi?”, grirraja allu povuru c’avia sunato.

“Fami la carità! Rami ancuna cosa.”

“Viri a du ti n’aja ji. Quisto nun è posto pi tia. Vati ruppi i gammi a n’autra parte.”

U cristiano, vistutu cu quattru zinzuli, nu pari ri zaricchje e ‘na trastina appicata alla muscka rimasa fermo, nun si ni java.

U ricco u guardava fisso, e chiù u guardava, chiù s’arraggiava. A ‘nu certo punto, cu tutta a raggia c’avia ‘n curpo, pigghiaja ‘na petra e na jittaia contro a quiddo povuru cristo. Quisto si chjicaia, pigghiajiri a petra e sa misa ‘nta sacchetta.

“Ssa petra ha da sta sempri cu mia. Prima o poi ha da capità u mumento chi m’agghja renne a gangata.”

Passano l’anni. I ricchi, si sa, nun su mai cuntenti: chiù ni tenini chiù ni voni avì. Capitaja che stu ricco liticaja cu n’autru peggio ri jiddo, pi quistioni ri animali chi javini a pasci e nun rispettavano i limmiti. ‘Na vota si ‘ncuntraini chi carrozzi. Guna parola tira l’atra, guna porola tira l’atra, vinniro alli mani. A nu certo punto pigghiaja nu curtiddo e nu ‘mbiccaia ‘nta panza all’autru signuru, chi carija ‘nterra murtu.

L’arristaino e u prucissaino. Persa tutti i beni chi tinija e lu cundannaino allu carcere a bita.

U jurno chi u purtavano ‘ntu carcere, u povuru u vidda. Subito si ficia ‘nnanti, cu tutti i forzi chi tinia. Mbiccairi a mano ‘nta sacchetta e pigghiairi a petra, pronto a na jittà ‘n fronte.

Ma si firmaja scunzulato. Abbasciairi a mano, chjicairi a capo e jittairi a petra ‘nta ‘na vanedda.

Chi cazzuno chi sungo stato! Agghju purtato ssa petra pi tanto timpo pi nenti. Quanno quiddu signuru jiera ricco e puntenti e tutti ni vasavini i peri, mi facija pagura, ma mo? Guardallo! Ammanittato, ca variva longa… Comi nu miserabile. Mi fa sulo pietà.”

S’aggiustairi a trastina e continuairi a caminà ca spiranza ri truvà nu picchi ri carità.

.

Dalla voce di mio nonno Salvatore

Foto: Rete

Lascia un commento

Il tuo indirizzo email non sarà pubblicato.

Questo sito usa Akismet per ridurre lo spam. Scopri come i tuoi dati vengono elaborati.

Articoli correlati

Archivio articoli
Categorie
Close