‘Nda terra mia nge criscia ‘nu puparulo
Ch’a fatto crusco te face arrecrià
Cu ‘ mulignane, ‘i patane e cu’ ‘i fasule
Era ricchezza tutta chesta povertà
Cu’ ‘na sausicchia e ‘nu poco ‘e pruvulone
Pure ‘u chiù umile se pote sente ‘u re
‘nu quartu ‘e vino, ‘u fuoco e duie tastune
P’ammore ‘e Dio ma chi stia meglio ‘e me
Me ne jia cu’ ‘u ciuccio e cu’ ‘nu cane arreto
Pascenno pecure, crape e vaccaredde
‘Ngerano ‘i rose ‘mienzo a tutte chedde prete
E di ‘stu pane nun mancava mai ‘na fedda
Nun avia soldi ma tenia l’acqua bona
Nun vulia niente, l’aria era libertà
Mo’ cangia tutto mente ‘a campana sona
Mannaggia … mo’ me fano jastemà
‘nu bellu juorno veneno forastieri
Senza vregogna e senza manc’addummannà
Appriesso a loro li guardie e li banchieri
Pure ‘nda casa m’accumenzano a scavà
Vono ‘u petrolio, ‘u gas chi l’è stra…
Tutte sti cunti stiano proprio ca?!
Le pozza i ‘nu sursu ‘nganne stuorto
Cu chedda rrobba se n c’avessena affucà
Loro se ‘ngrassano e nuie patimo i guai
Nun può chiu pasce e nun può manco zappà
Ma a capu mia nun m’a a cangiano mai
Maronna mia nun l’aggia fa passà
Che me ne fazzo ri buoni benzina
‘nd’u motozappa facia prima a nce piscià
Cu’ ‘sta elemosina me nce sciacquo ‘i ‘stentine
Sazzo sulo io po che nge vole pe campà
Ama grirà, n’ama fa sente basta cchiù
‘Sta prepotenza nun se poté suppurtà
Pe tutte quante è cosa de cuscienza
Verimo buono angu nu cunto s’adda fa
Cu’ ‘u calamaro oppure cu’ ‘a scuppetta
Ca ‘sta sunata ‘na vota adda cangià
Sopa Sirino ‘u lupo già v’aspetta
‘a terra è nostra e nun s’adda tuccà
Fabio Falabella
Foto RETE